E-saglam.az xəbər verir ki, diyetoloq Olqa Perevalova Sputnik radiosu ilə söhbətində zərərli yeməklərə olan güclü həvəsi izah edib.
Onun fikrincə, bu, pəhrizdə müəyyən vitamin və mineralların çatışmazlığını göstərə bilər. Mütəxəssis qeyd edib ki, maqnezium çatışmazlığı olanda insan şokolad istəyə bilər.
O, vurğuladı ki, duzlu qidalara olan maraq natrium və xlor çatışmazlığından xəbər verir.
Perevalova əlavə edib ki, insan orqanizmdə kifayət qədər keyfiyyətli yağ olmadıqda trans yağlara cəlb olunur.
Diyetoloq onu da bildirib ki, menstruasiya öncəsi dövrdə qadın lazımsız yeməyə can ata bilər, çünki orqanizmi qan itkisinə hazırlaşır və mümkün dəmir çatışmazlığından xəbər verir.
Tərcümə etdi: Könül Oruc
