Yeni araşdırmalar göstərir ki, səhər zəngli saatın siqnalını təkrar-təkrar “mürgüləmək” sağlamlıq üçün təhlükəlidir.
E-saglam.az xəbər verir ki, mütəxəssislərə görə, bu vərdiş yuxu rejimini pozur, orqanizmin istirahətini yarımçıq saxlayır və uzun müddətdə çəki artımı, ürək xəstəlikləri, maddələr mübadiləsi pozğunluğu və demensiya riskini artırır.
MetroHealth Yuxu Mərkəzinin direktoru Dr. Dennis Okli bildirir ki, siqnalın dəfələrlə təkrarlanması insanı təravətli yuxudan ayırır və zəif yuxu dövrünə salır: “Bunu nə qədər çox etsəniz, bədəniniz o qədər yorğun qalır”.
ABŞ-da 50-70 milyon insan yuxu pozğunluğundan əziyyət çəkir və hər üç böyükdən biri kifayət qədər və fasiləsiz yuxu almır. Uzunmüddətli yuxu çatışmazlığı isə ciddi xəstəliklərə yol aça bilər.
Tərcümə: Könül Oruc
