Süfrələrimizdəki bəzi meyvə və tərəvəzlər, üzərindəki pestisid qalıqları ilə sağlamlığımıza təhlükə yarada bilər. Bu səbəbdən, bu məhsulları alarkən diqqətli olmaq və düzgün təmizləmə üsullarını tətbiq etmək vacibdir.
E-saglam.az ən çox pestisid qalıqları olan meyvə və tərəvəzlərin siyahısını təqdim edir:
1. Çiyələk – Üzərindəki kiçik toxumlar və yumşaq quruluşu səbəbilə pestisidlər həm xarici səthdə, həm də daxili toxumada yığılabilir. Təmizləmə üsullarına baxmayaraq, qalıqlar tamamilə aradan qaldırıla bilməz.
2. İspanaq – Yarpaqlarının nazikliyi və torpağa yaxın böyüməsi səbəbilə pestisidləri asanlıqla udur.
3. Şaftalı və nektarin – İncə dəri quruluşu üzərindəki pestisidlərin meyvənin daxili toxumasına asanlıqla nüfuz etməsinə səbəb olur.
4. Alma – Xarici səthinə tətbiq olunan qoruyucu muma bənzər maddələr, pestisid qalıqlarının daşıma riskini artırır.
5. Üzüm – Hər üzüm üçün edilən çiləmə əməliyyatları nəticəsində qalıq miqdarı çox ola bilər.
6. Bibər – Hamar və yumşaq quruluşu sayəsində səthinə yapışan pestisidlər asanlıqla çıxarıla bilməz.
7. Pomidor – Xüsusilə istixana istehsalında pestisid qalıq nisbətləri yüksəkdir.
8. Kartof – Yerin altında yetişən kartoflar, səthdə təmiz görünsə də, pestisidlər kök quruluşuna sıza bilər.
9. Yaşıl göyərtilər (kahı, arugula, cəfəri) – Çirklənmiş sudan həm pestisidləri, həm də mikroorqanizmləri saxlaya bilir.
Təmizləmə üsulları:
- Meyvə və tərəvəzləri 15-20 dəqiqə sirkə və ya qazlı suda isladın.
- Pilinq prosesi tətbiq edin.
- Üzvi istehsala üstünlük verin.
- Sertifikatlaşdırılmış məhsulların istehlakına diqqət yetirin.
Bu üsullar, pestisid qalıqlarını əhəmiyyətli dərəcədə azaltmaqla daha sağlam istehlak təklif edir.
Tərcümə: Könül Oruc
