Bəzi insanlar yumurta qutularını təkrar istifadə edirlər.
E-saglam.az xəbər verir ki, Berlin İstehlak Mərkəzinin mütəxəssisləri deyirlər ki, bu, sağlamlıq üçün təhlükəli nəticələrlə doludur.
Bu yumurta qutularının problemi onların kartondan olması və buna görə də təmizlənməsinin qeyri-mümkün olmasıdır. Bu səbəbdən onlar tez-tez ishala səbəb olan salmonella kimi mikrob və bakteriyalarla çirklənirlər.
Bəzən yumurta qabığında olan nəcis, karton qutulara yapışır. Bu o deməkdir ki, təzə yumurta mikroblarla çirklənmiş ola bilər.
Mütəxəssislər qutuları bir dəfə istifadə etdikdən sonra atmağı məsləhət görürlər. Üstəlik, yumurta ilə işlədikdən sonra həmişə əllərinizi yumağı məsləhət görürlər ki, bu da salmonellaların yeməyinizə yayılmasını minimuma endirməyə kömək edəcək.
Tərcümə: Könül Oruc
