Səhər yeməyi süfrələrində tez-tez birlikdə istehlak edilən bəzi qidalar sağlamlıq üçün risk yarada bilər.
E-saglam.az xəbər verir ki, xüsusilə yumurta çox qidalı bir məhsul olsa da, müəyyən qidalarla birləşdirildikdə həzm sisteminə mənfi təsir göstərə bilər.
1. Donuz və yumurta: Yüksək riskli kombinasiya
Səhər yeməyində məşhur olan bu duet ləzzətli olsa da, sağlamlıq üçün zərərlidir. Araşdırmalar göstərir ki, donuz əti və yumurtanın birlikdə istehlakı mədəaltı vəzi xərçəngi riskini artırır və çəki artımına səbəb ola bilər.
2. Soya südü və yumurta: Protein udulmasını əngəlləyir
Soya südü sağlam alternativ hesab edilsə də, yumurta ilə birlikdə istehlak edildikdə orqanizmin zülalları düzgün mənimsəməsinə mane olur.
3. Çay və yumurta: Dəmirin sorulmasını azaldır
Səhər yeməklərinin ayrılmaz hissəsi olan çay yumurtadakı dəmirin orqanizm tərəfindən mənimsənilməsinə mane olur. Bu da xüsusilə dəmir çatışmazlığı olan insanlarda problemlər yarada bilər.
4. Pendir və yumurta: Kalsium və dəmir qarşıdurması
Pendirin yüksək kalsium tərkibi yumurtadakı dəmirin sorulmasını azaldır. Xüsusilə dəmirə ehtiyacı yüksək olan insanlar bu birləşmədən çəkinməlidirlər.
5. Paxlalılar və yumurta: Həzm çətinlikləri
Paxlalılar və yumurta yüksək protein tərkibli qidalardır. Birlikdə istehlak edildikdə, həzm sistemində gərginlik yarada və şişkinlik kimi problemlərə səbəb ola bilər.
6. Banan və yumurta: Həzm sistemi üçün ağır yük
Banan və yumurta birlikdə istehlak edildikdə həzmi çətinləşdirir. Bananı yumurtadan ən az bir saat əvvəl və ya sonra yemək daha faydalıdır.
7. Balıq və yumurta: B7 vitamini itkisi
Bu iki qida birlikdə istehlak edildikdə B7 vitamininin təsiri zəifləyir. Onları fərqli yeməklərdə istehlak etmək daha məqsədəuyğundur.
8. Ət və yumurta: Böyrəklərə yük salır
Hər ikisi yüksək protein mənbəyi olsa da, birlikdə istehlak edildikdə həzm sistemini və böyrəkləri yükləyə bilər.
9. Qovun və yumurta: Həzm problemləri yaradır
Qovun həzm olunması uzun çəkən meyvələrdən biridir. Yumurtayla birlikdə yeyildikdə mədə narahatlığına səbəb ola bilər.
Bu qidaları birlikdə istehlak etmək həzm sistemini çətinləşdirə və bədənin qida maddələrini mənimsəməsini azalda bilər. Daha sağlam bir həzm üçün bu birləşmələrdən çəkinmək tövsiyə olunur.
Tərcümə: Könül Oruc
