Rusiya Elmlər Akademiyasının Kosmik Tədqiqatlar İnstitutunun və Günəş-Yer Fizikası İnstitutunun Günəş Astronomiyası Laboratoriyası yaxınlaşan kosmik təhlükə barədə xəbərdarlıq edir.
E-saglam.az -ın məlumatına görə, alimlər 2024-cü il sentyabrın 12-də Yer demək olar ki, 100% ehtimalla Günəşdən atılan plazma buludu ilə toqquşacağını bildirir.
Bu, son günlərdə üçüncü plazma atılmasıdır və bu dəfə Yerlə toqquşma ehtimalı 99.9% qiymətləndirilir. Zərbənin cümə günü Bakı vaxtı ilə saat 04:00-05:00-də pik həddə çatacaq maqnit fırtınasına səbəb olacağı gözlənilir.
Alimlər Yerin maqnitosferindəki həyəcanların G2 gücünə çatacağını proqnozlaşdırırlar ki, bu da orta maqnit fırtınasına uyğundur. Bu cür hadisələrin inkişaf ehtimalı 70% qiymətləndirilir.
Maqnit fırtınaları insanların, xüsusən də meteohəssas insanların sağlamlığına təsir göstərə bilər. Kosmik hava proqnozlarını izləmək və lazım gəldikdə fiziki yükü məhdudlaşdırmaq və gündəlik rejimə riayət etmək tövsiyə olunur.
Bundan əlavə, maqnit fırtınaları elektron avadanlıqların və rabitə sistemlərinin işində nasazlıqlara səbəb ola bilər. (Oxu.az)
