Yaponlar dünyada ən uzunömürlü insanlardan sayılır. Orta ömür uzunluğu 83,7 il olan ölkədə sağlam həyat tərzi əsas götürülür. Xüsusilə Okinava adasında orta ömür 89 ildir.
E-saglam.az yaponların uzun yaşamasının 8 əsas sirrini təqdim edir:
"Hara hach bun me": Yeməyi 80% doyandan sonra dayandırmaq adətidir. Bu, həddindən artıq yeməkdən qaçaraq həzmi yüngülləşdirir.
İnkişaf etmiş səhiyyə sistemi: Yaponlar doğuşdan yetkinliyə qədər peyvənd və müntəzəm tibbi yoxlanışlardan keçirlər. Sağlamlıq kampaniyaları ilə xəstəliklərin qarşısı alınır.
Balanslı qidalanma: Dəniz məhsulları və tərəvəz əsaslı qida rasionu sağlamlığı qoruyur.
Fiziki aktivlik: Yaşlılar belə aktiv həyat tərzi keçirirlər. Məsələn, 86 yaşlı Yuiçiro Miura iki dəfə Everesti fəth edib.
"İkigai" Şüarı: Həyatın mənasını tapmaq və dəyərli yaşamaq prinsipi onların pozitivliyini artırır.
Sosial əlaqələr: Yaşlılar cəmiyyətdən təcrid olunmur, əksinə, hörmət və qayğı ilə əhatələnir.
Az duz istifadəsi: Yaponlar duzlu qidalardan qaçaraq daha sağlam həyat sürürlər.
Mavi zona mədəniyyəti: Okinava kimi bölgələrdə insanlar təbiətə uyğun sadə və stresssiz həyat tərzi sürürlər.
Yaponların bu vərdişləri onları uzunömürlülükdə dünyanın liderləri sırasına çıxarır.
Könül Oruc
