Əsrlər boyu ənənəvi təbabətin bir parçası olan zərdəçal (sarıkök) dünyada “qızıl ədviyyat” kimi tanınır.
E-saglam.az xəbər verir ki, zərdəçal, yaraların sağalmasından həzmə qədər bir çox problemin dərmanıdır. Faydalarını təqdim edirik:
YARALARIN VƏ DƏRİ PROBLEMLƏRİNİN SAĞALMASI
Zərdəçal antiseptik xüsusiyyətlərinə görə birbaşa yaralara və dəri xəstəliklərinə tətbiq edilmişdir.
Zərdəçal pastası infeksiyaların qarşısını almaq və daha sürətli sağalmaq üçün kəsiklər, yanıqlar və səpgilərdə istifadə edilmişdir. Aktiv birləşmə, curcumin, bakteriyalarla mübarizə aparır və iltihabı azaldır.
Zərdəçalın təbii antiseptik xüsusiyyətləri onu kimyəvi əsaslı məlhəmlərə əla alternativ edir. Kiçik kəsiklər və ya dəri qıcıqları üçün zərdəçal pastasından istifadə təsirli bir təbii vasitə ola bilər.
DAHA YAXŞI HƏZM SİSTEMİ
Zərdəçal alternativ tibbdə həzm sistemini işlədən ən təsirli təbii məhsul kimi tanınır. Həzmi yaxşılaşdırmaq, şişkinliyi azaltmaq və həzmsizliyi aradan qaldırmaq üçün tez-tez yeməklərdə istehlak olunur. Zərdəçal qaz meydana gəlməsinin qarşısını alır və həzm sistemini sakitləşdirir.
İMMUNİTETİN GÜCLƏNDİRİLMƏSİNƏ KÖMƏK EDİR
Zərdəçal, xüsusilə qrip mövsümündə immuniteti yaxşılaşdırmaq üçün isti südlə qarışdırılır. "Zərdəçal südü" və ya "qızıl süd" kimi tanınan bu içki soyuqdəymə, öskürək və tənəffüs problemləri ilə mübarizə aparmaq üçün istifadə olunurdu.
Zərdəçalın iltihab əleyhinə və antioksidant xüsusiyyətləri bədəni infeksiyalardan qorumağa kömək edir.
Zərdəçal həzmi dəstəkləmək üçün gündəlik yeməklərimizə daxil edilə bilər. Zərdəçal ilə qarışdırılmış su içmək və ya onu yeməyə əlavə etmək, xüsusilə ağır və ya zəngin yeməklərdən sonra həzm problemlərinin qarşısını almağa kömək edə bilər.
Zərdəçalın aktiv tərkib hissəsi olan curcumin, oynaqlarda iltihabı azaltmağa kömək edən müasir tədqiqatlarda müəyyən olunub. Zərdəçalı müntəzəm olaraq yeməklərə əlavə etmək, xüsusən də artritli insanlar üçün xroniki iltihabı idarə etməyə kömək edə bilər.
QANIN TƏMİZLƏNMƏSİ
Zərdəçal ənənəvi olaraq qan təmizləyicisi kimi istifadə edilmişdir. Qandakı çirklərin bir çox dəri və sağlamlıq problemlərinə səbəb olduğuna inanılır. Zərdəçal qanı təmizləməyə kömək edir, daha təmiz dəri və ümumi sağlamlıqla nəticələnir.
Müasir elm zərdəçalın bədəndəki toksinləri azaltmağa kömək edən güclü antioksidant rolunu təsdiqləyir. Zərdəçal suyu içmək və ya onu diyetinizə daxil etmək detoksifikasiyanı dəstəkləyə bilər, vücudunuza çirkləndiricilərin mənfi təsirləri və pis qidalanma ilə mübarizə aparmağa kömək edə bilər.
NƏFƏSALMA PROBLEMLƏRİNİ YAXŞILAŞDIRMASI
Qədim dövrlərdə zerdeçal astma, bronxit və soyuqdəymə kimi tənəffüs xəstəliklərinin müalicəsində də istifadə edilirdi.
Ədviyyat tez-tez buxar şəklində tənəffüs edilir və ya öskürəyi azaltmaq, bəlğəmi təmizləmək və tənəffüs yollarını açmaq üçün müxtəlif yollarla qəbul edilirdi.
QARACİYƏRİN TƏMİZLƏNMƏSİ
Zərdəçal ənənəvi tibbdə qaraciyər tıxanıqlığı və sarılığı müalicə etmək üçün tez-tez istifadə olunurdu. Qaraciyəri təmizləməyə və ümumi funksiyasını yaxşılaşdırmağa kömək edir, detoksifikasiyaya kömək edir və daha yaxşı həzmi təşviq edir.
PARLAQ DƏRİ
Zərdəçal əsrlər boyu gözəllik prosedurlarında istifadə edilmişdir. Bir çox Asiya mədəniyyətində parlaq bir parıltı əldə etmək üçün zərdəçal suyu dəriyə tətbiq olunurdu, zərdəçal pastası isə sızanaqları azaltmaq və çapıqları yüngülləşdirmək üçün istifadə edildi. Bu gün də bir çox dəriyə qulluq məhsullarının mühüm tərkib hissəsidir.
Zərdəçalın dəri üçün faydaları onun antiinflamatuar xüsusiyyətlərindən kənara çıxır. Üz maskalarına və ya skrablara zərdəçalı əlavə etmək, təbii parıltı əldə etməyə, sızanaqları azaltmağa və sərt kimyəvi maddələrdən qaçınmaqla çapıqların görünüşünü minimuma endirməyə kömək edə bilər.
Mühüm qeyd! Zərdəçalın orqanizm üçün bir çox faydası var. Ancaq hər hansı bir sağlamlıq probleminin qarşısını almaq üçün zərdəçal istehlak etməzdən əvvəl bir mütəxəssislə məsləhətləşin.
Tərcümə: Könül Oruc
