19 oktyabr tarixində "World Karyera və Peşə Mərkəzi" və "GV Medikal"-ın təşkilatçılığı ilə növbəti xeyriyyə tədbiri keçirilib.
E-saglam.az xəbər verir ki, daha öncə də müxtəlif uşaq evləri və qadın sığınacaqlarının ehtiyaclarının qarşılanması məqsədilə müxtəlif layihələr həyata keçirən şirkətlər bu dəfə də xeyriyyə məqsədli səhər yeməyi görüşü təşkil etmişdir.
Xeyriyyəçi sahibkarların toplandığı səhər yeməyindən əldə olunan bütün vəsait "Nur Uşaq Evi"nin ehtiyaclarının ödənilməsi üçün nəzərdə tutulmuşdur. Tədbirdə uşaq evinin rəhbəri Aynurə xanım xeyriyyəçiliyin belə gözəl təbliğatı üçün təşkilatçılara təşəkkür edərək, mərkəzin dekabrda yeni binaya köçəcəyi haqqında, eləcə də uşaqların hal-hazırkı gündəlik yaşamı və ehtiyacları, psixoloji vəziyyətləri haqqında məlumat verdi.
Qeyd edək ki, tədbirin media tərəfdaşı E-saglam.az sağlamlıq və tibbi xəbərlər portalıdır.
