E-saglam.az xəbər verir ki, bu sözləri diyetoloq Lauren Manaker deyib.
Onun sözlərinə görə, cəmi 30 qram proteinli qidaları (ət, quş əti, yumurta, soya) dörddə bir stəkan paxlalılar ilə əvəz etmək xolesterol səviyyəsini 10 faizdən çox azalda bilər. Həmçinin yarım stəkan paxlalı yemək orqanizmi əhəmiyyətli miqdarda lif, maqnezium, mis və kaliumla təmin edir.
Mütəxəssis qida rasionuna göbələk və gavalı da əlavə etməyə çağırıb. Göbələklər beta-qlükanlar və xitin ehtiva edir ki, bu da pis xolesterolu azaltmağa və potensial olaraq yaxşı xolesterolu artırmağa kömək edir, gavalı isə ürək sağlamlığını dəstəkləyən lif və qida mənbəyidir.
Diyetoloq vurğulayıb ki, makadamiya qoz-fındıqları da ürək sağlamlığını yaxşılaşdırmağa kömək edir. Onlar zeytun yağında olanlara bənzər mono doymamış yağlarla zəngindirlər. Bu yağlar xolesterol səviyyəsini aşağı salır və antioksidantlar və pəhriz lifi mənbəyidir.
Sarımsaq, tərkibindəki allisin səbəbiylə ürək və qan damarlarına faydalı təsir göstərən xolesterol səviyyəsini də azalda bilər.
Tərcümə etdi: Könül Oruc
