Qastroenteroloq və hepatoloq Andrey Konstandenkov xüsusilə xroniki xəstəlikləri olanların rifah halına mənfi təsir göstərən üç məşhur şorba adı açıqlayıb.
E-saglam.az xəbər verir ki, onun sözlərini “Doktor Peter” nəşri sitat gətirib.
Həkimin zərərli adlandırdığı ilk şorba solyanka olub:
“Bu xörəyin tərkibində doymuş yağlar, duz və konservantlarla zəngin hisə verilmiş ət, kolbasa və delikates ətlər var. Bu birləşmə mədə-bağırsaq traktının selikli qişasını qıcıqlandırmaqla yanaşı, lipid mübadiləsinin pozulması və böyrək, ürək və qan damarlarının xəstəlikləri olan insanların sağlamlığına da ziyan vurur. Mədə-bağırsaq sistemi üçün yemək əsl kalori, duz və yağ bombasıdır”.
Göbələk şorbası da göründüyü qədər təhlükəsiz deyil, Konstandenkov davam edib:
“Problem göbələklərin tərkibindəki xitindədir - lazımi həzm fermentlərinin olmaması səbəbindən bədənin parçalaya bilmədiyi bir maddədir. Bu yemək qastrit, xoralar, bağırsaqların iltihabi xəstəlikləri, pankreatit və digər mədə-bağırsaq xəstəlikləri üçün əks göstərişdir”.
Konstandenkov üçüncü zərərli şorba kimi noxud şorbası adlandırıb:
“Bu, şişkinlik və qarın narahatlığına səbəb olur. Bundan əlavə, qəbizlik zamanı quru noxud və digər paxlalı bitkilər tövsiyə edilmir”.
© yeniavaz.com
