Yuyulma zamanı tualetin qapağı bağlanmalıdır. Bunun niyə bu qədər vacib olduğunu hamam qurğuları üzrə mütəxəssis Eleanor Potter izah edir.
E-saglam.az xəbər verir ki, tualetin qapağı yuyularkən açıq olarsa, kiçik su hissəcikləri zərərli bakteriyaları otaqda yaya bilər. Mikroblar dəsmallarda, dəzgahlarda və hətta diş fırçalarında da ola bilər.
2019-cu ildə Cork Universitet Kollecinin alimləri müəyyən etdilər ki, tualet oturacağının bağlanması yuyulma zamanı və sonra səthlərdə su damlalarının yayılmasını 30-60% azaldır.
Aydındır ki, tualet vərdişlərimizə bu sadə düzəliş bizim ümumi gigiyenamıza və sağlamlıq təhlükəsizliyimizə böyük təsir göstərə bilər. Bu təcrübə kiçik görünsə də, evdə mikrobların və infeksiyaların yayılmasının azaldılmasında mühüm rol oynayır.
Tərcümə: Könül Oruc
