Bir çox insanlar toyuq, quzu və ya mal əti kimi ənənəvi seçimlərə üstünlük versə də, hinduşkanın əslində ən sağlam ət olduğu ortaya çıxır.
E-saglam.az xəbər verir ki, hinduşka əti qida dəyəri baxımından çox zəngindir və aşağı yağ tərkibi, yüksək protein tərkibi və qida maddələri ilə dolu olan bu ət sağlam yemək istəyənlər üçün əla seçimdir. Xüsusilə diabet, ürək xəstəlikləri və piylənmə kimi sağlamlıq problemlərinə qarşı qoruyucu təsir göstərir.
Az yağ, yüksək zülal, zəngin qida tərkibi
Hind quşu ətinin digər qırmızı ət növləri ilə müqayisədə daha az yağ tərkibi var. O, həmçinin əzələlərin böyüməsinə və bərpasına kömək edən yüksək keyfiyyətli proteinlə zəngindir. Bədən üçün lazım olan amin turşularının çoxunu təmin edir. Hind quşu əti dəmir, sink, fosfor və B vitaminləri baxımından da çox faydalıdır. Xüsusilə B6 vitamini immunitet sisteminin güclənməsinə və enerji istehsalına kömək edir. Digər tərəfdən tərkibində tiamin və niasin kimi vitaminlər olduğu üçün sinir sistemi sağlamlığı üçün faydalıdır.
Hinduşka aşağı kalorili ət variantıdır. Tərkibində az yağ olduğu üçün xüsusilə çəkisini idarə etməyə çalışanlar üçün ideal seçimdir. Eyni zamanda doyurucu xüsusiyyəti sayəsində yeməklər arasında çox yemək istəyinin qarşısını almağa kömək edir. Hind quşu ətinin həzm baxımından çox yüngül bir ət olduğu bilinir. Tərkibindəki az yağ mədəni yormur və həzm sisteminin daha asan işləməsini təmin edir.
Tərcümə: Könül Oruc
