Zamanla qaş və kirpiklərinizin tökülməsi normaldır, lakin onları təbii üsullarla daha qalın və sağlam saxlamaq mümkündür.
E-saglam.az xəbər verir ki, aşağıda sadalanan üsullar müntəzəm tətbiq edildikdə güclü və dolğun qaş-kirpiklərə sahib olmağa kömək edə bilər.
1. Kastor (gənəgərçək) yağı
Gənəgərçək yağı vitaminlər, zülallar və yağ turşuları ilə zəngindir. Qaş və kirpik follikullarını qidalandıraraq onların daha sürətli və qalın böyüməsinə kömək edir.
Tətbiq: Təmiz bir tuş çubuğu və ya pambıq çubuqla gündə iki dəfə tətbiq edin.
2. Aloe vera
Aloe vera minerallar və vitaminlərlə zəngin olub, saç köklərini qidalandırır və uzanmanı sürətləndirir.
Tətbiq: Təzə aloe vera gelini qaşlarınıza çəkin, 30 dəqiqə saxlayın və yuyun. Gündə iki dəfə tətbiq edin.
3. Hindistan qozu yağı
Laurik turşusu və vitaminlərlə zəngin olan hindistancevizi yağı saç follikullarını gücləndirərək qalınlaşdırır.
Tətbiq: Hər axşam yatmazdan əvvəl tuş və ya qaş fırçası ilə tətbiq edin.
4. Rozmarin yağı
Qan dövranını stimullaşdıraraq saç köklərini aktivləşdirir və yeni tüklərin çıxmasını təşviq edir.
Tətbiq: Kokos və ya jojoba yağı ilə qarışdıraraq yumşaq şəkildə sürtün.
5. Soğan suyu (yalnız qaşlar üçün)
Kükürdlə zəngin olan soğan suyu kollagen istehsalını artıraraq qaşların böyüməsinə kömək edir.
Tətbiq: Həftədə iki dəfə qaşlara çəkin, 15-20 dəqiqə saxlayıb yuyun. Kirpiklərdə istifadə etməyin!
Diqqət: Həssas dəriniz varsa və ya allergik reaksiyalardan çəkinmək istəyirsinizsə, bu üsulları sınamadan əvvəl həkimlə məsləhətləşin.
Tərcümə: Könül Oruc
