Günümüzdə bir çox insan üçün tualetə girərkən telefon götürmək artıq adət halını alıb.
E-saglam.az xəbər verir ki, sosial şəbəkəyə baxmaq, mesaj yazmaq və ya xəbərləri oxumaq kimi görünən bu “zərərsiz” vərdiş, əslində bədən və beyin sağlamlığını təhdid edir.
Mikrobların mərkəzinə çevrilir
Araşdırmalar göstərir ki, mobil telefonlar tualet mühitində E.coli, Salmonella, norovirus kimi bakteriyalarla çirklənə bilər. Bu mikroblar telefona yapışaraq sonradan əllə, sifətlə və ağızla təmasa keçir – nəticədə bağırsaq infeksiyaları, ishal və mədə-bağırsaq pozğunluqları baş qaldıra bilər.
Beyin sağlamlığına təsiri: “Toilet scroll” sindromu
Telefonla tualetdə uzun müddət qalmaq bədənin təbii reflekslərini pozur. Qəbizlik, hemoroid və hətta autonom sinir sisteminin balanssızlığı baş verə bilər. Həmçinin bu zaman beyində davamlı dopamin ifrazı səbəbilə diqqət dağınıqlığı və informasiya asılılığı inkişaf edə bilər.
Tualetdə uzun qalmaq zərərlidir
Ayaq və diz oynaqları gərgin qalır
Qan dövranı zəifləyir
Hemoroid riski artır
Nə etmək lazımdır?
Tualetə girəndə telefonunuzu kənarda qoyun
Əgər istifadə etməyə çox alışmısınızsa, özünüzə zaman limiti qoyun
Telefonu gündəlik dezinfeksiya etməyi unutmayın
Könül Oruc
