Martın 30-dan 31-nə keçən gecə Şimali Kipr Türk Respublikasında konsert zamanı səhnədə infarktdən dünyasını dəyişən 58 yaşlı məşhur sənətçi Volkan Konakın vəsiyyəti bəlli olub.
E-saglam.az xəbər verir ki, Volkan Konak vəsiyyətini illər öncə verdiyi konsert zamanı açıqlayıb. Yerin altında dəfn olunmaq istəməyən sənətçi cənazəsinin yandırılmasını, külünün isə Trabzona səpələnməsini istəyib.
"Sizə vəsiyyətim budur ki, əzizlərim, öləndə məni dəfn etməsinlər. Bütün bədənimi yandırsınlar. Külümü bir qutuya qoyub helikopterlə Qara dənizimə səpələsinlər. Xüsusilə də Trabzonuma", - deyə Volkan vəsiyyət edib. (ölkə.az)
