Səhər yeməyi günün ən vacib yeməklərindən biri sayılır. Çox insan bu vaxtda yumurta və ya pendir yeməyi seçir. Bəs hansısı daha faydalıdır? Ekspertlər bu sualı cavablandırıb.
E-saglam.az xarici mediaya istinadən mövzu ilə bağlı məqaləni təqdim edir:
Yumurta: zülalın və toxluğun mənbəyi
Yumurta yüksək keyfiyyətli zülal, B12, D vitamini və omeqa-3 ilə zəngindir. Qaynadılmış halda yeyildikdə uzun müddət toxluq hissi verir. Həmçinin əzələləri gücləndirir, beyin funksiyalarını dəstəkləyir, göz sağlamlığı üçün faydalıdır.
Əvvəllər yumurtanın tərkibindəki xolesterinlə bağlı narahatlıqlar var idi. Amma son araşdırmalar göstərir ki, normal miqdarda yeyildikdə zərərli deyil.
Pendir: sümük və həzm dostu
Pendir kalsium, fosfor və faydalı bakteriyalarla zəngindir. Xüsusilə ağ pendir və kəsmik bağırsaq sağlamlığı üçün faydalıdır. Eyni zamanda sümük və dişləri möhkəmləndirir, enerji verir və zehni fəaliyyəti artırır.
Lakin bəzi pendir növləri çox duzlu ola bilər. Təzyiq problemi olanlara az duzlu pendir tövsiyə olunur.
Ekspertlər nə deyir?
Diyetoloqlar bildirirlər ki, yumurta və pendiri qarşılaşdırmaq əvəzinə, birlikdə və balanslı şəkildə istifadə etmək daha doğrudur. Bu zaman həm zülal, həm kalsium, həm də probiotik əldə edilir.
Sağlam səhər yeməyi necə olmalıdır?
1 qaynadılmış yumurta
Az duzlu ağ pendir və ya kəsmik
Pomidor, xiyar, zeytun
Tam taxıl çörəyi
Bitki çayı və ya şəkərsiz içki.
