Endokrinoloq Veronika Neudakhina bildirib ki, zülal orqanizmin normal fəaliyyəti üçün zəruri olan əsas maddələrdən biridir.
E-saglam.az xəbər verir ki, həkim Lenta.ru-ya müsahibəsində gündə sağlamlıq üçün lazım olan zülalın miqdarından danışıb və onunla zəngin qidaları sadalayıb.
Həkim Veronika Neudakhinaya görə, orta hesabla bir yetkin hər kiloqram çəki üçün gündə təxminən 0,8-1,2 qram protein istehlak etməlidir.
Onun sözlərinə görə, ən çox zülal heyvan mənşəli məhsullarda olur. Məsələn, 100 qram toyuq sinə əti təxminən 22 qram protein ehtiva edir; 150 qram 5% yağlı kəsmikdə 18 qram protein, bir toyuq yumurtasında isə təxminən 6 qram protein var. Bitki məhsulları arasında paxlalılar və tofu protein səviyyəsində aparıcıdır. Eyni zamanda, 100 qram qaynadılmış mərciməkdə təxminən 9 qram protein, 100 qram bərk tofu isə təxminən 17 qram ehtiva edir.
Qeyd etmək lazımdır ki, heyvan zülallarında əvəzolunmaz amin turşularının tam dəsti var, paxlalılar, tofu və qoz-fındıq kimi bitki zülallarında isə çox vaxt bir və ya ikisi olmur. Buna görə də, bitki zülallarını istehlak edərkən tam bir amin turşusu dəsti əldə etmək üçün onların müxtəlif növlərini birləşdirmək tövsiyə olunur, məsələn, lobya və tofu birləşdirən pəhriz yeməklərini daxil edin.
Tərcümə: Könül Oruc
