Qocalma prosesi qaçılmazdır, lakin onu ləngitmək və sağlam yaşlanmaq mümkündür. Sağlam və balanslı qidalanma gənc və enerjili qalmağın əsas şərtlərindən biridir.
E-saglam.az xəbər verir ki, meyvə, tərəvəz, yağsız zülallar və sağlam yağlarla zəngin qidalar hüceyrə sağlamlığını qoruyur. Su istehlakı da orqanizmin düzgün işləməsi üçün vacibdir.
Fiziki aktivlik güc, elastiklik və dözümlülüyü qorumağa kömək edir. Daimi gəzinti, üzgüçülük və güc məşqləri bədənin sağlam qalmasını dəstəkləyir. Yoqa və balans məşqləri düşmələrin qarşısını almağa kömək edir.
Beyni aktiv saxlamaq idrak qabiliyyətinin zəifləməsinin qarşısını alır. Oxumaq, yeni bacarıqlar öyrənmək və tapmaca həll etmək zehni gücləndirir. Stressi idarə etmək də sağlam yaşlanma üçün vacibdir.
Meditasiya, nəfəs məşqləri və pozitiv münasibətlər stress səviyyəsini azaldır. Keyfiyyətli yuxu bədənin bərpası və immunitetin gücləndirilməsi üçün önəmlidir. Hər gecə 7-9 saat yatmaq sağlamlıq üçün vacibdir.
Pozitiv düşüncə uzun və sağlam ömrün açarıdır. Minnətdarlıq və xoşbəxtlik hissi ümumi rifahı artırır. Sosial əlaqələri qorumaq və sevdiklərinizlə vaxt keçirmək yaşlanma prosesini yavaşlada bilər.
Tərcümə: Könül Oruc
