Qlütensiz pəhriz çölyak xəstəliyi və ya qlütenə həssaslığı olanlar üçün zəruridir. Bu şəxslərdə qlüten bağırsaq iltihabına, həzm problemlərinə və digər ciddi sağlamlıq fəsadlarına səbəb olur.
E-saglam.az xarici mediaya istinadən xəbər verir ki, lakin sağlam insanlar üçün qlütensiz pəhrizin heç bir elmi əsası yoxdur və hətta bəzi hallarda balanssız qidalanma, vitamin və mineral çatışmazlığı, həzm problemləri, bağırsaq florasının pozulması və immun sistemin zəifləməsi kimi mənfi təsirlər yarada bilər.
Qlütensiz qidalar tez-tez daha az lif və qida ehtiva edir. Üstəlik, hazır qlütensiz məhsullar əlavə şəkər, yağ və kalori ilə zəngin ola bilər, bu da sağlam qidalanma üçün əlverişli deyil. Əgər qlütensiz pəhrizə ehtiyacınız yoxdursa, bu pəhrizi tətbiq etməkdən çəkinmək daha məqsədəuyğundur.
Balanslı və müxtəlif qidalanma daha sağlam həyat tərzi üçün əsas şərtdir. Əgər qlütensiz pəhrizə keçmək istəyirsinizsə, düzgün şəkildə qidalanmaq və lazımi qidaları kompensasiya etmək üçün bir mütəxəssislə məsləhətləşmək vacibdir.
Tərcümə: Könül Oruc
