Onkoloq Yevgeni Çeryomuşkin bildirib ki, kababın və qızardılmış ətin tərkibində kanserogen maddələr var.
E-saglam.az xarici mediaya istinadən xəbər verir ki, onkoloq xəbərdarlıq edib ki, qızardılmış ətin tez-tez istehlakı bədxassəli şişlərin əmələ gəlməsini sürətləndirən amil ola bilər. Çeryomuşkin qızardılmış ətin kanserogen təsirini onunla izah edib ki, bu məhsulda aqressiv istilik müalicəsi zamanı orqanizmin hüceyrələrinə xüsusi təsir göstərə bilən və onların mutasiyalarını təhrik edə bilən maddələr əmələ gəlir.
Həkim əlavə edib ki, bişmiş kabab benzopiren kimi kanserogen mənbəyidir: "Qızartma zamanı və qızılı qəhvəyi qabığın əmələ gəlməsi zamanı yaranan bu maddə insan orqanizminə mənfi təsirinə görə ən təhlükəli maddələrdən biri hesab olunur. Bundan əlavə, mağazadan hazır kabab istifadə etsəniz, adətən konservantlardan ibarət birləşmələrlə marinadlanır. Hazır marinadların bu komponentləri bədəndən müxtəlif mənfi reaksiyalara səbəb ola bilər".
Onkoloq Çeryomuşkin, ümumiyyətlə qırmızı ətin, xüsusən də mədə-bağırsaq xəstəlikləri olan insanlar tərəfindən orta dərəcədə yeyilməli olduğunu vurğulayıb.
Həkim kababı həmişə bol miqdarda tərəvəz və göyərti ilə birlikdə yeməyi tövsiyə edib.
Tərcümə etdi: Könül Oruc
