İnsanlar qidalanma zamanı dörd ümumi səhvə yol verirlər.
E-saglam.az xəbər verir ki, bu barədə qastroenteroloq Olqa Pomoinetskaya danışıb.
Həkim əsas səhvlərdən birini sadə "karbohidratlara qarşı həvəs" adlandırıb. Onun sözlərinə görə, bişmiş məmulatların, makaron məmulatlarının, ağ düyü və tərkibində çoxlu sadə karbohidratlar olan digər qidaların həddindən artıq olması toxluq hissi vermir, həmçinin qəlyanaltılara və şirniyyatlara həvəs yaradır.
Həkim həmçinin xəbərdarlıq edib ki, insanda gizli qida allergiyası və ya dözümsüzlüyü olan qidaları yeməməlisiniz. O, izah edib ki, onlar iltihaba səbəb olur və bu zaman keçdikcə müxtəlif xroniki xəstəliklərin, o cümlədən sızanaq və qastritin inkişafına səbəb ola bilər.
"Digər bir səhv trans yağlarla zəngin qidalar yeməkdir", - deyə həkim qeyd edib. Qastroenteroloq bildirib ki, trans yağlar orqanizm tərəfindən sorulmur və birləşdirici toxuma, dərialtı piy və qaraciyərdə yığılır, həmçinin mədə-bağırsaq traktında lövhə əmələ gətirir və iltihaba səbəb olur. Həkim bildirib ki, trans yağlar qida sənayesində istifadə olunur və hətta həmin yağ yemək üçün təkrar istifadə olunarsa, evdə hazırlanan yeməklərdə də tapıla bilər.
O, digər ümumi səhv kimi tez-tez qəlyanaltı etməyin yanlış olduğunu bildirib. "Əgər daim qəlyanaltılara ehtiyacınız yaranırsa, əsas yeməkləriniz kifayət qədər qidalı deyil", - deyə həkim qeyd edib.
Tərcümə: Könül Oruc
