Yulaf əzməsi, zəngin qida dəyəri və sağlamlığa faydaları ilə tanınan bir taxıl növüdür.
E-saglam.az xəbər verir ki, tərkibindəki yüksək lif, protein, vitamin və minerallar sayəsində sağlam qidalanmanın əvəzolunmaz hissəsidir. Kalsium, sink, maqnezium, fosfor, silikon və dəmirlə zəngin olan yulaf doymamış yağ turşuları ilə də ürək-damar sağlamlığını dəstəkləyir.
Yulafın sağlamlığa faydaları
Həzmi dəstəkləyir: Yulafın tərkibindəki liflər həzmi asanlaşdırır və bağırsaq fəaliyyətini tənzimləyir.
Ürək sağlamlığını qoruyur: Yulafın tərkibindəki beta-qlükan lifləri qan xolesterol səviyyəsini aşağı salaraq ürək-damar xəstəlikləri riskini azaldır.
Uzunmüddətli toxluq hissi: Yulaf əzməsi yüksək lif tərkibi sayəsində toxluq hissi yaradır, bu da çəki idarəsində köməkçi olur.
Yulaf suyunun hazırlanması və istifadəsi
Yulaf suyunu hazırlamaq üçün yarım stəkan yulaf əzməsini iki stəkan soyuq su ilə qarışdırın və 30 dəqiqə gözləyin. Daha sonra qarışığı blenderdən keçirərək süzün. Bu qarışığı yeməklər arasında içmək maddələr mübadiləsini dəstəkləyə və yağ yandırılmasını sürətləndirə bilər.
Diqqət ediləcək məqamlar
Yulaf suyu və ya əzməsini istehlak edərkən balanslı qidalanma və müntəzəm fiziki fəaliyyətlə dəstəkləmək vacibdir. Yalnız yulaf istehlakı ilə arzu olunan nəticələrə nail olmaq çətin ola bilər.
Yulafın sağlamlığa faydaları və istifadəsi haqqında daha ətraflı məlumat üçün etibarlı mənbələrə müraciət etmək tövsiyə olunur.
Tərcümə: Könül Oruc
