Yaponiyada Naqasaki prefekturasındakı zooloji bağın işçiləri erkəksiz, təcrid olunmuş qəfəsdə yaşayan tənha meymunun hamiləliyinin sirrini açıblar.
E-saglam.az xarici KİV-ə istinadən xəbər verir ki, bu barədə "Daily Star" yazır.
2021-ci ildə Momo adlı 12 yaşlı ağ əlli qadın gibbon hamilə qaldı. Meymun tək qapalı şəraitdə yaşadığı və erkəklərlə əlaqəsi olmadığı üçün gözətçilər çox təəccübləndilər. Primatın hamiləliyinin səbəblərini tapmaq və körpənin atasını müəyyən etmək nəzəri cəhətdən olduqca sadə idi - DNT testindən istifadə etmək. Bununla belə, Momo iki il ərzində heç kəsi övladına yaxın buraxmayıb. Yalnız bu yaxınlarda baxıcılar onun bioloji materiallarını əldə edə bildilər.
Məlum oldu ki, “gözəl uşaq”ın atası Momonun yanındakı məhəllədə yaşayan 34 yaşlı İto adlı gibbondur. Zooparkın işçiləri belə qənaətə gəliblər ki, İto və Momo hücrələr arasındakı kiçik bir dəlikdən cütləşməyə nail olublar.
İndi zooparkın işçiləri ümid edirlər ki, nəhayət ata, ana və balaları birlikdə yaşaya biləcəklər. Zoopark rəhbəri Jun Yamano, "Əvvəlcə onlar bir-birlərinə öyrəşməlidirlər, amma ümid edirəm ki, onlar əsl ailə ola bilərlər" - dedi.
Bundan əvvəl ABŞ-da zooparkın dişi köpəkbalığının erkəyin iştirakı olmadan köpəkbalığı balasını dünyaya gətirdiyi bildirilirdi. Həmçinin, İllinoys ştatındakı Brookfield Zooparkı, dörd ildir ki, erkəklə təması olmayan akvariumun gizli pişik balığının da balasını dünyaya gətirdiyini açıqladı.
Tərcümə etdi: Könül Oruc
