Psixiatr Yuliya Levçenkonun fikrincə, bəzi qidalar stress və narahatlıq səviyyəsini artırır, hətta depressiya simptomlarını ağırlaşdıra bilər.
E-saglam.az xəbər verir ki, mütəxəssis bu məhsullardan uzaq durmağı tövsiyə edir:
Qəhvə və kofeinli içkilər – Kofein ürək döyüntüsünü və təzyiqi artırır, narahatlığı gücləndirir.
Şəkər – Adrenalin səviyyəsini yüksəldir, maqnezium balansını pozur, sinir sisteminə mənfi təsir edir.
Duz – Həddindən artıq duz stress hormonlarının artmasına səbəb olur, insanı daha gərgin edir.
Qida əlavələri (MSG) – Çips, sosiskalar, fast-food kimi məhsullardakı əlavələr qan təzyiqini və qlükozanı yüksəldir.
Alkoqol – Qısa müddətlik rahatlıq hissi yaratsa da, uzunmüddətli dövrdə depressiyanı artırır və beyin funksiyalarını zəiflədir.
Bu məhsulları tamamilə pəhrizdən çıxarmaq lazım deyil, lakin narahatlıq dövründə istehlakını azaltmaq vacibdir. Əvəzində fiziki aktivlik və açıq havada gəzinti daha faydalı ola bilər.
Tərcümə: Könül Oruc
