Qripə yoluxmuş bir insanın nə qədər yoluxucu olduğunu dəqiq söyləmək çətindir, lakin digər insanların xəstələnməsinə kömək edə biləcək bir qayda var.
E-saglam.az xəbər verir ki, Merilend Universitetinin İctimai Sağlamlıq Məktəbinin ətraf mühitin sağlamlığı üzrə professoru Dr.Donald Milton bildirib ki, başqaları ilə əlaqə saxlamazdan əvvəl simptomlar yox olduqdan sonra ən azı 24 saat gözləmək tövsiyə olunur.
Bir gün ərzində qrip əlamətləriniz yoxdursa, təhlükəsiz ola bilərsiniz.
Bu arada, bir insanın nə qədər yoluxucu ola biləcəyi ilə bağlı bəzi nüanslar var və qripin tam olaraq necə yayıldığı ilə bağlı müzakirələr davam edir.
Tədqiqatlar göstərir ki, xəstəlik üç əsas yolla ötürülür: səthlərdəki viruslar, öskürək və ya asqırma zamanı böyük damlalar və nəfəs alarkən havada buraxılan kiçik hissəciklər vasitəsilə. Mütəxəssislər hesab edirlər ki, yoluxmanın əsas yolu iri və kiçik hava damcıları vasitəsilə olur, baxmayaraq ki, çirklənmiş səthlər də təhlükə yarada bilər.
Milton qeyd edir ki, virusun ötürülməsini idarə olunan mühitdə öyrənmək çətindir - ən faydalı məlumat verən tədqiqat növü elm naminə qripə yoluxmaq istəyən könüllülərin tapılmasını tələb edir.
Tərcümə: Könül Oruc
