Şirəli və turş portağal bir çox insanın sevimli meyvəsidir. Portağalın C vitamini ilə zəngin olduğu məlum olsa da, faydaları bununla məhdudlaşmır.
E-saglam.az xəbər verir ki, portağal liflə zəngindir və aşağı kalorilidir ki, bu da insanlara artıq çəkidən qurtulmağa kömək edir. Hər gün portağal yemək maddələr mübadiləsini sürətləndirmək və orqanizmin su balansını yaxşılaşdırmaq kimi faydalarla təmin edir.
Meyvə və tərəvəzlərin qidalanma tərkibi və antioksidant xüsusiyyətləri ilə bağlı bir araşdırma orta ölçülü portağalın 60-80 kalori ehtiva etdiyini iddia edir. Bu, onları kalori qəbulunu azaltmaq istəyənlər üçün uyğun qəlyanaltı edir. Bundan əlavə, portağaldakı yüksək lif tərkibi toxluq hissini təşviq edərək, insanların daha uzun müddət tox hiss etməsinə kömək edir.
Arıqlamaq istəyərkən bədənin su balansını qorumaq böyük əhəmiyyət kəsb edir. Maye balansını saxlamaq sağlam maddələr mübadiləsini və enerji səviyyələrini qorumaq üçün çox vacibdir. Tərkibində yüksək su olan portağal su qəbulunu artıra bilər və ümumi kalori qəbulunu azaltmağa kömək edir.
Aşağı şəkər səviyyəsi
Portağal aşağı glisemik indeksə malikdir və qan şəkəri səviyyəsinin daha yavaş, tədricən yüksəlməsinə səbəb olur. Bu, qan şəkərini idarə etməyə və istəkləri azaltmağa kömək edə bilər, çəki idarəsini asanlaşdırır. Portağaldakı C vitamini yağ metabolizmasında mühüm rol oynayır və yağları enerjiyə çevirməyə kömək edə bilər.
Arıqlamaq üçün portağalı necə yemək olar?
Arıqlamaq üçün portağal müxtəlif yollarla istehlak edilə bilər, məsələn, bütöv yemək, təzə sıxılmış portağal şirəsi normada içmək, salatlara əlavə etmək, smuzilər hazırlamaq və ya suya əlavə etmək.
Qeyd: Portağalın həddindən artıq istehlakı həzm problemləri, turşu axını, diş minasının aşınması və digər yan təsirlərə səbəb ola bilər. Həddindən artıq istehlak bəzi dərmanlarla da qarşılıqlı təsir göstərə bilər. Buna görə də, onu uyğun şəkildə istehlak etmək vacibdir. Portağal ümumiyyətlə faydalıdır, lakin xüsusilə əsas sağlamlıq problemləri olanlar üçün ehtiyatla istehlak edilməlidir.
Tərcümə: Könül Oruc
