Amerika istehsalı olan pivənin demək olar ki, hər ikinci stəkanında həmişəyaşıl kimyəvi maddələr ola bilər - bədəndə toplanan və təbiətdə parçalanmayan davamlı çirkləndiricilər.
E-saglam.az xəbər verir ki, ABŞ alimləri müəyyən ediblər ki, sınaqdan keçirilmiş pivələrin 95 faizində əvvəllər çirklənmiş içməli suda aşkar edilmiş PFAS maddələri var. Nəticələr "Environmental Science & Technology" jurnalında dərc olunub.
Tədqiqat nəticəsində məlum olub ki, PFAS-ın ən yüksək səviyyələri məlum su təchizatı problemləri olan ərazilərdə dəmlənən pivələrdə aşkar edilib. Şimali Karolinadakı Cape Fear çayının yaxınlığında yerləşən pivə zavodları, suyun çirklənməsinin uzun bir tarixi olan bir bölgədə xüsusilə yüksək səviyyədə idi. Tədqiqat nəticəsində məlum olub ki, hətta müasir pivə zavodu filtrləri də bu birləşmələri sudan çıxara bilməyib.
PFAS istehsalda istifadə olunur, çünki onlar suyu, yağı və kiri dəf edirlər, lakin onlar təbiətdə toplanır və xərçəng və digər xəstəliklər riskinin artması ilə əlaqələndirilə bilər. Alimlər deyirlər ki, problemi gözardı etmək olmaz: pivə zavodları və su idarələri öz müalicə üsullarını nəzərdən keçirməli, istehlakçılar isə nə içdikləri barədə düşünməlidirlər.
Tərcümə: Könül Oruc
