"Atribeaute" klinikasının nevroloqu Maria Lavrenova xəbərdarlıq edib ki, D vitamini çatışmazlığı, anemiya və digər xəstəliklər adi yorğunluq kimi maskalana bilər.
E-saglam.az xəbər verir ki, o, insanları yorğunluq iki-dörd həftədən çox davam edərsə, kömək istəməyə çağırıb.
Lavrenova vurğulayıb ki, D vitamini çatışmazlığı qışda çox rast gəlinir - bu, əzələ zəifliyi, yorğunluq və süstlük kimi simptomlarla əlaqələndirilir: "D vitamini ilə təkbaşına təcrübə aparmaq deyil, həkiminizin düzgün dozanı təyin edə bilməsi üçün çatışmazlığınızı yoxlatdırmaq vacibdir. Yorğunluq kimi görünə biləcək digər bir vəziyyət dəmir çatışmazlığı anemiyası və ya gizli dəmir çatışmazlığıdır".
Nevroloqun sözlərinə görə, bu metabolik pozğunluqlar zəiflik, yuxululuq, solğunluq, fiziki gərginlik zamanı nəfəs darlığı, ürək döyüntüsü, bəzən dırnaq və saçların kövrəkləşməsi, ağız künclərində çatlar və qeyri-qida məhsullarına qəribə istəklərə səbəb ola bilər. Həkim həmçinin izah etdi ki, yorğunluq hipotiroidizm və bir sıra ruhi xəstəliklər kimi müxtəlif endokrin xəstəliklərdən qaynaqlana bilər.
"Əgər yorğunluq keyfiyyətli istirahətdən və balanslı qidalanmadan sonra azalırsa, bu, "yaşıl bayraq"dır. Lakin, yorğunluq hissi uzun və dərin yuxudan sonra belə davam edərsə, ehtiyatlı olmalısınız. Əgər yorğunluq adi halınız üçün tipik deyilsə, iki-dörd həftədən çox davam edirsə, yuxu çatışmazlığı və ya müvəqqəti həddindən artıq iş ilə izah olunmursa və performansınızı əhəmiyyətli dərəcədə azaldırsa, həkimə müraciət etməlisiniz", - deyə nevroloq xəbərdarlıq edib.
Tərcümə: Könül Oruc
