Limonun gündəlik qəbulu sağlamlığın yaxşılaşdırılması üçün sadə, lakin güclü bir addım ola bilər.
E-saglam.az xəbər verir ki, diyetoloq Melissa Nieve, C vitamini və liflə zəngin olan bu sitrus meyvəsinin elmi cəhətdən sübut olunmuş səkkiz faydasını açıqlayıb.
- İmmunitet sistemini gücləndirir. Limondakı C vitamini və fol turşusu oksidləşdirici stressi və iltihabı idarə etməyə kömək edir, bədənin immun reaksiyasını dəstəkləyir.
- İnsult riskinin azalması. Sitrus meyvələrində olan flavonoidlər, xüsusən də qadınlarda işemik insult riskini azalda bilər.
- Qan təzyiqinin idarə olunması. Flavonoidlər və limon qabığı ekstraktı bağırsaq mikrobiotası ilə qarşılıqlı təsir göstərərək sistolik təzyiqin aşağı düşməsinə kömək edir.
- Xərçəngin qarşısının alınması. Araşdırmalar göstərir ki, sitrus meyvələrinin yüksək istehlakı ağciyər xərçəngi riskini 9% azaldır. Sitrus qabığı həmçinin xərçəng əleyhinə potensiala malikdir.
- Dəmirin sorulmasını yaxşılaşdırır. C vitamini qidadan alınan dəmirin biomənimsənilməsini artırır ki, bu da xüsusilə anemiyanın qarşısını almaq üçün vacibdir.
- Dəriyə faydaları. Sitrus suyu hüceyrə zədələnməsini, dərinin qalınlığını və qırışların əmələ gəlməsini azaltmağa kömək edir və kollagen istehsalını artırır.
- Astmanın qarşısının alınması . Sitrus meyvələrinin yüksək istehlakı astma inkişaf riskinin və onun simptomlarının azalması ilə əlaqələndirilir.
- Çəki idarəçiliyini dəstəkləyir. Limon suyu mədə həcmini artırır ki, bu da daha tez toxluq hissi yaradır və iştahanı azaldır.
Lakin, qidalanma mütəxəssisi xəbərdarlıq edir ki, qastroezofageal reflüks xəstəliyi, sitrus allergiyası və ya ağız xorası olan insanlar limondan çəkinməlidirlər, çünki turşu simptomları ağırlaşdıra bilər. Digərləri üçün isə gündəlik orta miqdarda limon istehlakı sağlam bir vərdiş ola bilər.
Tərcümə: Könül Oruc
