Aşpaz hər qonaq üçün lazım olan inqrediyentlərin miqdarını necə düzgün hesablamaq lazım olduğunu izah edib.
Salatlar – adambaşına 200-250 qram. Yeni il süfrənizdə bir neçə salat təqdim edirsinizsə, porsiyanı iki yerə bölə bilərsiniz. Məsələn, Yeni ili səkkiz nəfərlik bir qrupla qeyd edirsinizsə, hər salatdan 1,2-1,5 kq kifayət edəcək.
Nikolay Braterski qeyd edir ki, onların ömrünü uzatmaq üçün uzun müddət təzə qalan inqrediyentlər - qovrulmuş tərəvəzlər, dənli bitkilər və sərt pendirlər əlavə etmək lazımdır. Bu şəkildə salatlar yalnız gecə yarısında deyil, həm də ertəsi gün ləzzətli olacaq. Sousu ayrıca və ya süfrəyə verməzdən əvvəl əlavə etmək ən yaxşısıdır: bu, təzə hazırlanmış dadı qoruyub saxlayacaq.
Qəlyanaltılar – adambaşına 150-200 qram. Yeni il süfrəsində qəlyanaltıların ideal nisbətindən istifadə edin: üçdə biri ət və ya balıq, üçdə biri tərəvəz və üçdə biri özünəməxsus qəlyanaltılar. Hisə verilmiş paprika ilə humus, limon qabığı ilə zeytun və ya albalı sousu ilə paştet sonuncu üçün idealdır. Yeni il süfrəsində kanape və ya mini-ruletlər planlaşdırırsınızsa, onları qramla deyil, tikə ilə saymaq yaxşıdır – adambaşına 4-6 ədəd.
Tərcümə: Könül Oruc
