Bəzi qida birləşmələri həqiqətən qida maddələrinin udulmasını azalda və ya rifahı pisləşdirə bilər.
E-saglam.az xəbər verir ki, bunu endokrinoloq və diyetoloq Mariya Brizhan izah edib.
Aşağıdakı birləşmələr qida maddələrinin həzm olunmasına mane ola bilər:
Qırmızı ət + güclü çay/qəhvə: Bu içkilərin tərkibindəki tanninlər dəmirlə həll olunmayan birləşmələr əmələ gətirir və onun sorulmasına mane olur. Əgər anemiyaya meyllisinizsə, 1-1,5 saat ara verin;
Dəmirlə zəngin qidalar + kalsiumla zəngin qidalar (süd, pendir): kalsium da dəmirin udulmasını azaldır;
İspanaq/turşəng + süd məhsulları: Göyərtilərdə olan oksalatlar kalsiumla birləşir, bu da hər iki elementin udulmasına mane olur və meylli insanlarda daş əmələ gəlməsi riskini artıra bilər.
Kartof + paxlalılar: çox miqdarda nişasta və paxlalı bitkilərin birləşməsi şişkinlik və ağırlığa səbəb ola bilər;
Meyvə + protein/yağlı qidalar: Əsas yeməkdən dərhal sonra yeyilən meyvələr fermentasiyaya səbəb ola bilər. Ayrı-ayrılıqda yemək daha yaxşıdır - yeməkdən 30-40 dəqiqə əvvəl və ya 1,5-2 saat sonra.
Sadə şəkərlər + yağlar (sodalı fast food, mürəbbəli ağ çörək): bu kombinasiya mədəaltı vəziyə böyük stress qoyur və qan şəkərində kəskin sıçrayışlara səbəb olur ki, bu da insulin müqaviməti olanlar üçün xüsusilə təhlükəlidir.
Tərcümə: Könül Oruc
