Kardioloq və terapevt Andrey Kondrakhin xəbərdarlıq edib ki, kişilər avtomobildə qızdırılan oturacaqlardan uzun müddət istifadə etməməlidirlər.
E-saglam.az xəbər verir ki, o, "RİA Novosti"yə müsahibəsində bu vərdişin sağlamlığa mənfi təsirlərindən danışıb.
Həkimin sözlərinə görə, kişi qızdırılan oturacaqda oturduqda xayalar həddindən artıq qızır və bu da sperma keyfiyyətinə və spermatogenezə (sperma istehsalına) mənfi təsir göstərir. Uzunmüddətli istilik təsiri nəticəsində reproduktiv funksiyada zəifləmə yarana bilər.
Kondrakhin əlavə edib ki, bu cür istilik bəzi tibbi vəziyyətləri də pisləşdirə bilər. Xüsusilə hemoroid problemi olan şəxslərdə istilik qan dövranını artıraraq ağrını və iltihabı gücləndirə bilər. Bundan əlavə, böyrək, sidik kisəsi və prostatit kimi xəstəlikləri olan şəxslər üçün də bu vəziyyət risklidir.
Bununla belə, həkim qızdırılan oturacaqlardan tam imtinanın vacib olmadığını bildirib:
“Əgər insan soyuqdursa, oturacağı qısamüddətli şəkildə qızdırmaq, isinmək və sonra söndürmək kifayətdir,” – deyə Kondrakhin vurğulayıb.
Mütəxəssis kişilərə oturacaq qızdırıcısını yalnız zərurət olduqda və qısa müddətə istifadə etməyi tövsiyə edir.
Tərcümə: Könül Oruc
