Zəif immunitet orqanizmin infeksiyalara və xəstəliklərə qarşı müqavimətini azaldır.
E-saglam.az xəbər verir ki, aşağıdakı əlamətlər immun sisteminin zəiflədiyini göstərə bilər:
1. Tez-tez xəstələnmə – soyuqdəymə, qrip, boğaz ağrısı və ya infeksiyaların təkrarlanması.
2. Daimi yorğunluq və halsızlıq - kifayət qədər yuxuya baxmayaraq enerjisizlik hissi.
3. Yavaş sağalma – yaraların, kəsiklərin və ya infeksiyaların uzun müddətdə sağalması.
4. Allergiyaların artması – orqanizmin toz, polen və ya qidaya qarşı həssaslığının yüksəlməsi.
5. Həzm problemləri – tez-tez şişkinlik, ishal və ya qəbizlik; çünki immun hüceyrələrinin böyük hissəsi bağırsaqda yerləşir.
6. Dəri problemləri – sızanaqlar, iltihab, göbələk və ya uzunmüddətli səpkilər.
7. Bədən istiliyinin dəyişməsi – səbəbsiz qızdırma və ya titrətmə halları.
8. Tez-tez herpes və ya ağız yaraları – viruslara qarşı müqavimətin zəifləməsi.
Əgər bu simptomlardan bir neçəsi sizdə uzun müddətdir müşahidə olunursa, immun sisteminizi qiymətləndirmək və səbəbi müəyyənləşdirmək üçün həkimə müraciət etmək vacibdir.
Nəzrin Abbas
