Nature Human Behaviour jurnalında dərc edilən təhlilə görə, subay insanlar evli insanlara nisbətən depressiya əlamətlərini 80% daha çox hiss edə bilər. Üstəlik, kişilərdə və təhsil səviyyəsi yüksək olan insanlarda risk daha yüksəkdir.
E-saglam.az xəbər verir ki, tədqiqatçılar evli və subay insanlar arasında depressiv simptomların inkişaf riskini araşdırmaq üçün yeddi ölkədən - ABŞ, Böyük Britaniya, Meksika, İrlandiya, Cənubi Koreya, Çin və İndoneziyadan olan 106 556 iştirakçının məlumatlarını təhlil ediblər. Onlar evli olmayanların depressiya əlamətlərinin inkişaf riskinin 79% artdığını aşkar etdilər.
Maraqlıdır ki, boşanmış insanlarda depressiya əlamətləri 99%, dul qadınlar isə evli insanlardan 64% daha çox idi.
Müəlliflər evli cütlüklər arasında depressiya səviyyəsinin aşağı olmasının ailə daxilində sosial dəstək mübadiləsi, iqtisadi resurslara daha yaxşı çıxış və bir-birinin rifahına müsbət təsir göstərməsi ilə bağlı olduğunu irəli sürdülər.
Tərcümə: Könül Oruc
