Böyük sağlamlıq möcüzəvi düzəlişlərdən deyil, uzun müddətdə təsirini göstərən kiçik, lakin ardıcıl vərdişlərdən ibarətdir.
E-saglam.az xəbər verir ki, bədən və ağıl davamlı qayğı ilə inkişaf edir. Bu 12 gündəlik vərdiş isə həyatın hər mərhələsində daha sağlam, xoşbəxt və uzun ömürlü yaşamağın əsasını təşkil edir.
1. Gündə 10 min addım atın
Hərəkət həyatdır. Sadə bir gəzinti belə ürək sağlamlığını dəstəkləyir, çəkini tənzimləyir və zehni aydınlığı artırır. Səhər gəzintisi, pilləkənlə qalxmaq və ya telefonla danışarkən hərəkətdə olmaq bu hədəfə çatmağın yollarındandır.
2. Gecə 8 saat keyfiyyətli yuxu
Yuxu bədənin yenilənmə prosesidir. İmmunitet sistemini gücləndirir, hormonları tarazlayır və diqqəti artırır. Sərin və qaranlıq otaqda, eyni saatda yatmaq keyfiyyətli istirahətə kömək edir.
3. Zülal istehlakı
Protein əzələlərin bərpasını, maddələr mübadiləsinin aktivliyini və enerji səviyyələrinin sabitliyini təmin edir. Bitki və ya heyvan mənşəli olmasından asılı olmayaraq, zülal gündəlik qidalanmanın ayrılmaz hissəsi olmalıdır.
4. 30 dəqiqə günəş işığı
Günəş işığı orqanizm üçün D vitamini mənbəyidir. İmmuniteti gücləndirir, sümükləri möhkəmləndirir və əhvalı yaxşılaşdırır. Günə səhər günəşi ilə başlamaq enerji səviyyəsini tarazlayır.
5. Ayaqyalın gəzin
Ot, qum və torpaq kimi təbii səthlərdə ayaqyalın gəzmək – yəni torpaqlama – stressi azaldır, qan dövranını yaxşılaşdırır və ümumi rifah hissini artırır.
6. Ekran vaxtını məhdudlaşdırın
Uzun müddət ekran qarşısında qalmaq zehni yorur və fokus qabiliyyətini azaldır. Sosial mediadan ağılla istifadə etmək, real həyat fəaliyyətlərinə daha çox yer vermək beyni aktiv və sağlam saxlayır.
7. Sevgi və xeyirxahlıq
Müsbət düşüncə və minnətdarlıq gündəlik emosional vəziyyətə təsir edir. Özünə qarşı sevgi və diqqət, daxili balansı qorumaqda mühüm rol oynayır.
8. Daimi və təmiz qidalanma
Təzə tərəvəz, meyvə, sağlam yağlar və təbii zülallar sağlam orqanizmin əsas yanacağıdır. İşlənmiş və süni əlavəli qidalardan uzaq durmaq ümumi sağlamlığa böyük təsir göstərir.
9. Kifayət qədər su için
Su bədəni təmizləyir, həzmi dəstəkləyir və dərinin sağlamlığını qoruyur. Gündə 2-3 litr su içmək orqanizmin ideal fəaliyyətini təmin edir.
10. Hobbilərə vaxt ayırın
Rəsm, musiqi, rəqs və ya bağçılıq kimi sevimli məşğuliyyətlər stressi azaldır, ruhi rahatlığı artırır və həyat keyfiyyətini yüksəldir.
11. Hər gün yeni bir şey öyrənin
Oxumaq, podkastlara qulaq asmaq və ya yeni bacarıq əldə etmək zehni aktiv saxlayır. Bu, zehni qabiliyyətlərin güclü qalmasına və yaddaşın yaxşılaşmasına kömək edir.
12. Dərin nəfəs alın və rahatlayın
Zehinlilik və nəfəs məşqləri stressi azaldır, emosional tarazlığı və fiziki rahatlığı artırır. Gündə cəmi bir neçə dəqiqəlik meditasiya belə böyük fərq yarada bilər.
Tərcümə: Könül Oruc
