Məşhur italyan makaron markası "Barilla" məhsulunda sağlamlıq üçün təhlükəli səviyyədə qurğuşun aşkar edilib.
Avropa Birliyi Almaniyada başlayan məhsulun geri çağırılması prosesinin digər Avropa ölkələrinə də yayıla biləcəyini bildirib.
Bu barədə Oxu.Az "Haber Global"a istinadən xəbər verir.
Avropa Birliyinin Qida və Yem üçün Sürətli Siqnalizasiya Sistemi (RASFF) "Barilla"nın "Integrale Vollkorn Penne Rigate" adlı tam buğda makaronunda yüksək səviyyədə qurğuşun aşkar edildiyini açıqlayıb. 500 qramlıq paketlərdə satılan və 1 mart 2026-cı il tarixinə qədər istifadə müddəti olan partiyalar, xüsusilə Almaniyadakı "Kaufland" və "Lidl" mağazalarında satılan məhsullar riskli hesab edildiyi üçün rəflərdən yığılır.
