Qeyri-sağlam vərdişlər ürəyimizə zərər verir – məsələn, siqaret çəkmək və oturaq həyat tərzi. Ancaq pəhrizə gəldikdə, hər şey elə də asan deyil.
E-saglam.az xəbər verir ki, ürək-damar xəstəlikləri üzrə mütəxəssislərinin heç vaxt yemədiklləri qidalar var. Onları niyə seçmədiklərinə baxaq .
1. Qaraciyər və paşteti
Qaraciyər qırmızı ətdir və çox yağlıdır. Mən ümumiyyətlə qırmızı ətdən qaçmağa çalışıram, çünki onun tərkibində doymuş yağlar və trans yağlar çoxdur.
Trans yağlar ürək-damar sistemlərinə məlum zərərləri ilə yanaşı, osteoporoz riskini də artırır. Qaraciyər qırmızı ətin xüsusilə zərərli növüdür, çünki orqan toksinləri süzmək üçün nəzərdə tutulmuşdur və bu toksinlərin bəziləri yediyimiz ətə daxil olur.
Bunu Stenford Universitetinin kardioloqu Dr. Eleanor Levin deyir: “Mən uşaqlıqda bəzən qaraciyər pastası yeyirdim, amma həkim olandan bəri heç vaxt yeməmişəm”.
2. Kolbasa, sosis
“Hot-doqlar (xüsusilə ədviyyatlı kolbasalar) yüksək miqdarda natriumla zəngindir, bu da qan təzyiqini yüksəldə bilər. Onlar həmçinin "pis" xolesterol səviyyəsini artıran doymuş yağda yüksəkdir.
Minneapolis kardioloqu Dr.Elizabet Klodas bunu deyib.
Bir neçə il bundan əvvəl Ümumdünya Səhiyyə Təşkilatı (ÜST) bütün emal olunmuş ət məhsullarını (kolbasa, donuz dilimləri, vetçina, donuz və s.) kanserogenlər kimi təsnif etmək qərarına gəldi
3. Marqarin
“Araşdırmaların göstərdiyi kimi gündə bir çay qaşığı belə marqarinin müntəzəm istehlakı müxtəlif xəstəliklərdən ölüm riskini 6% artıra bilər. Digər tərəfdən, zeytun yağının müntəzəm istehlakı, əksinə, ölüm hallarını 4% azaldır.
Buna görə xəstələrimə yalnız bu yağdan istifadə etməyi tövsiyə edirəm - hətta omlet və tost üçün.
Nyu-York şəhəri kardioloqu Dr. Harmoni
4. Steyklər, kabablar
“Mən yağlı qırmızı ətlərdən, o cümlədən mərmərli mal əti biftekslərindən (mərmər mal əti çox yağlıdır) çəkinməyə çalışıram. Çoxsaylı araşdırmalar göstərir ki, belə ətdə çox miqdarda olan doymuş yağlar ürək-damar xəstəliklərinin, xərçəngin və diabetin inkişaf riskini artırır.
Bostondakı (ABŞ) xəstəxananın baş kardioloqu Dr. Leonard Lilli
5. Toyuq qanadları, naggetslər
Demək olar ki, heç vaxt naggets yemirəm. Onlar çox qızardılır və yüksək yağ tərkiblidir. (Medicina.az)
