"Ürək xəstəliklərinin qarşısını almaq üçün qidalanmada yalnız bir qaydaya riayət etmək kifayətdir", - kardioloq-cərrah Filip Ovadia deyir.
E-saglam.az xəbər verir ki, Daily Mirror yazır ki , o, bu prinsipi “CEO-nun gündəliyi” podkastının efirində açıqlayıb.
Ovadiyanın sözlərinə görə, sağlam ürək üçün lazım olan yeganə şey yüksək işlənmiş qidalardan imtina etməkdir. "Mən çoxdan düşünürdüm ki, yaxşı maddələr mübadiləsini dəstəkləyən bütün pəhrizlərin ortaq cəhətləri nələrdir. "Mən belə nəticəyə gəldim ki, bütün bunlar bütöv, təbii qidalarla qidalanmaqdan irəli gəlir", - dedi kardioloq.
Həkim qeyd edib ki, əgər pəhrizdə emal olunmuş qidalar yoxdursa, o zaman ürəyə heç bir zərəri olmadan yüksək proteinli pəhrizə və vegetarianlığa riayət etmək olar. "Yerdə bitənləri yeyin, yerdə bitənləri yeyən heyvanları yeyin" dedi.
Tərcümə: Könül Oruc
