İsveçin Lund Universitetinin mütəxəssisləri müxtəlif növ şirniyyatların ürək-damar xəstəliklərinin inkişaf riskinə təsirini araşdırıblar.
E-saglam.az xəbər verir ki, işin nəticələri “Frontiers in Public Health” jurnalında dərc olunub.
69,705 iştirakçının məlumatlarının təhlili göstərdi ki, yüksək şəkər istehlakı işemik insult və abdominal aorta anevrizması, normal bədən kütləsi indeksi (BKİ) olan insanlarda isə ürək çatışmazlığı riskinin artması ilə əlaqələndirilir.
Ən təhlükəli şəkər mənbəyi şəkərli içkilər idi. Onların müntəzəm istifadəsi işemik insult, ürək çatışmazlığı, atrial fibrilasiya və qarın aorta anevrizması riskini artırır. Tədqiqatın müəllifi Suzanne Jantzi qeyd edib ki, şəkərin maye forması orqanizmi doyurmur və bu da onun həddindən artıq istehlakına gətirib çıxarır.
Maraqlıdır ki, şirniyyatdan ara-sıra istifadə etmək onlardan tamamilə imtina etməkdən daha faydalı olub.
Tərcümə: Könül Oruc
