Asiyada düyü Hindistandan gələn müsbət xəbərlərlə kəskin şəkildə ucuzlaşıb. Yeni Dehli malların ixracına qoyulan məhdudiyyətləri yüngülləşdirib.
E-saglam.az xəbər verir ki, bu barədə "Bloomberg" yazıb.
Çərşənbə günü ticarətdə Asiya standartı olan 5 faizlik təmizlənmiş Tay ağ düyününün qiyməti təxminən 11 faiz azalaraq bir ton üçün 509 dollar olub. Bu, 2008-ci ilin mayından bəri düyü qiymətlərinin ən kəskin ucuzlaşmasıdır.
Keçən il Hindistan seçkilər ərəfəsində yerli qiymətləri cilovlamaq üçün xaricə düyü satışına məhdudiyyətlər qoyub. Ölkə bu taxıl məhsulunun ən böyük ixracatçısıdır. Bu qərar nəticəsində rayonda düyünün qiyməti xeyli artıb.
Avqust ayında Yaponiyada düyünün qiyməti 28,3% bahalaşıb ki, bu da 1975-ci ilin sentyabrından bəri bu məhsulun ən sürətli qiymət artımıdır. Ölkədə düyü ehtiyatları yüksək tələbat fonunda tarixi minimuma düşüb.
Valyuta.az
