Fizioterapevt Eileen Li, hıçqırıqlardan xilas olmaq üçün qaşlarınızı və baş barmaqlarınızın uclarını masaj etməyi təklif edib.
E-saglam.az xəbər verir ki, o, hıçqırıqları dayandırmağın gözlənilməz bir yolu haqqında danışıb.
Li hıçqırıqların diafraqmanın qeyri-iradi, təkrarlanan spazmları və ardınca glottisin sürətlə bağlanması olduğuna diqqət çəkib. Bildirib ki, hıçqırığı dayandırmaq üçün diafraqmanı rahatlaşdırmaq lazımdır.
Onun sözlərinə görə, bunu müəyyən nöqtələrə basmaqla etmək olar: "Balaca barmaqlarınızı qaşlarınızın dibinə burun körpüsünün hər iki tərəfinə qoyun. Sonra bir az təzyiq edin və 30 saniyə saxlayın. Sonra bu hərəkəti 5 dəfə təkrarlayın".
Fizioterapevtin təklif etdiyi başqa bir yol, baş barmaqlarınızın uc hissəsinə təzyiq etməkdir. O bildirib ki, hər barmağını 5 dəfə 30 saniyə sıxsan, diafraqma rahatlaşacaq və hıçqırıqlar keçəcək.
Tərcümə etdi: Könül Oruc
