Alimlər saqqızın insan sağlamlığı üçün gözlənilməz təhlükə daşıya biləcəyini müəyyən ediblər.
E-saglam.az xəbər verir ki, Los-Anceles Kaliforniya Universitetinin (UCLA) tədqiqatçıları saqqızın çeynənməsi zamanı mikroplastik hissəciklərin tüpürcəyə qarışaraq udulma riskini artırdığını bildiriblər.
Araşdırmalar göstərir ki, bir qram saqqız orta hesabla 100 mikroplastik hissəcik buraxa bilər. Bir saqqız parçası 2-6 qram ağırlığında olduğuna görə, insan bir dəfə çeynəməklə 3000-ə qədər mikroplastik qəbul edə bilər. Mütəxəssislər saqqız çeynəmə prosesində mikroplastiklərin əsasən ilk 2 dəqiqədə tüpürcəyə qarışdığını bildiriblər.
İldə təxminən 30 min mikroplastik hissəcik udduğumuz təxmin edilir. Bunun insan sağlamlığına təsiri hələ tam öyrənilməsə də, alimlər bu məsələyə ehtiyatla yanaşmağı tövsiyə edirlər.
Tərcümə: Könül Oruc
