E-saglam.az bildirir ki, günümüzdə az qala, hər qadının istifadə etdiyi bir kosmetika məhsulu olan dodaq boyasının zərərləri aparılan testlər nəticəsində ortaya çıxmışdır.
Dünyanın tanınmış markaları üzərində aparılmış təcrübələrə əsasən, dodaq boyasının içində müxtəlif kimyəvi maddələr aşkar edilmişdir. Bu barədə Kanadada nəşr edilmiş hesabatda məlumat verilir.
Dodaq boyasının zərərlərinin səbəbi kimi kimyəvi arsenik, qurğuşun, nikel kimi maddələrin olduğu ortaya çıxmışdır. Sağlamlığımızı əhəmiyyətli ölçüdə təhdid edən bu kosmetika məhsullarını hər nə qədər istifadə etməməyə çalışsaq da, ondan istifadə ediləcək.
Buna görə də heç olmasa bildiyimiz, inandığımız markaların orijinal məhsullarını almağa səy göstərək. Çünki, insan sağlamlığı ilə zarafat etmək olmaz.
Dodaq boyasındakı zərərli maddələrin insan sağlamlığına vurduğu bəzi ziyanlar bunlardır:
– Saçların tökülməsi
– Baş ağrısı, baş gicəllənməsi
– Böyrək ilə əlaqədar problemlər
– Beyin ilə əlaqədar problemlər.
