ABŞ alimlərinin fikrincə, hər gün bir çay qaşığı kərə yağı 2-ci tip şəkərli diabet riskini 31 faiz azalda bilər. Marqarinin isə əksinə, ürəyə zərər verdiyi bildirilir.
E-saglam.az xarici mediaya istinadən xəbər verir ki, hər gün bir çay qaşığı kərə yağı diabet riski kəskin azalır:
Gündə ən az 5 qram (təxminən bir çay qaşığı) kərə yağı qəbul etmək 2-ci tip şəkərli diabetin yaranma riskini 31% azaldır. Bu xəstəlik isə infarkt və insultun əsas səbəblərindən biridir.
Kərə yağının faydaları
“Yaxşı” xolesterin (HDL) səviyyəsini artırır, damar tıxanmasına səbəb olan zərərli yağların miqdarını azaldır.
Bu nəticələr, 1960-cı illərdən bəri formalaşmış və süd məhsullarından alınan doymuş yağların ürək xəstəliklərinə səbəb olduğunu bildirən tövsiyələrlə ziddiyyət təşkil edir.
Margarinə gəldikdə isə…
Onilliklər boyunca sağlam alternativ hesab edilən margarine şəkərli diabet riskini 40%-dən çox artırır, ürək xəstəlikləri riskini 30 faiz artırır. Tədqiqatçılar bunun səbəbini 1970-ci illərdən etibarən margarinin istehsalında geniş istifadə olunan trans yağlarla əlaqələndirirlər.
Araşdırmada 30 yaşdan yuxarı olan təxminən 2500 nəfər iştirak edib və onların qidalanma vərdişləri ilə sağlamlıq vəziyyəti illərlə izlənilib. Nəticə olaraq, müntəzəm və az miqdarda qəbul edilən kərə yağının əvvəllər düşünüləndən daha faydalı olduğu təsdiqlənib.
Gündəlik qidalanmada diqqət edilməli əsas məqamlar
Meyvə və tərəvəzlər: gündə ən az 5 müxtəlif porsiya.
Lif: gündə 30 qram (2 dilim tam buğda çörəyi, 2 yulaf peçenyesi, qabıqlı böyük soba kartofu ilə).
Kraxmallı karbohidratlar: əsas yeməklərin tərkibində olmalıdır (çörək, düyü, makaron, kartof – tercihen tamtaxıllı).
Zülallar: paxlalılar, yumurta, balıq, ət (həftədə 2 porsiya balıq, biri yağlı növdən).
Süd məhsulları və ya əvəzləyiciləri: az yağlı və az şəkərli.
Doymamış yağlar (zeytun yağı, kolza yağı): az miqdarda.
Su: gündə 6–8 stəkan.
Duz və doymuş yağlar: gündə 6 qramdan artıq duz və 20–30 qramdan artıq doymuş yağ olmamalıdır.
Lent.az
