"Rossiya 1" telekanalındakı "Ən vacib şey haqqında" verilişinin efirində reabilitasiya həkimi Sergey Aqapkin və diyetoloq Mixail Ginzburg qan laxtalanma riskini azaltmağa kömək edən məhsulları müzakirə etdilər.
E-saglam.az xəbər verir ki, alma qan laxtalanmasından qoruyan ən faydalı məhsullardan biri oldu. Sergey Aqapkin qeyd edib ki, bu meyvələrin tərkibində damar divarını gücləndirən antiinflamatuar xüsusiyyətlərə malik olan quercetin var. O vurğulayıb ki, gündə bir alma yemək qan laxtalanma riskini 3% azalda bilər.
Mixail Ginzburg bu siyahıya sarımsağı da əlavə edib. O, nəinki qan laxtalarının əmələ gəlməsinin qarşısını alır, həm də iltihab əleyhinə və cavanlaşdırıcı təsir göstərir. Həkim onu da qeyd edib ki, sarımsaq ürək-damar xəstəliklərinin inkişafının qarşısını alır.
Alma və sarımsaqdan əlavə, həkimlər qida rasionunuza kələm, tünd şokolad və yağlı dəniz balıqlarını, məsələn, siyənək, sprat və sardina daxil etməyi məsləhət görürlər.
Tərcümə: Könül Oruc
