Qarın nahiyəsində cəmləşən yağ insan sağlamlığı üçün ciddi təhlükə yaradır - daxili orqanları əhatə edir və iltihaba səbəb olur.
E-saglam.az xəbər verir ki, Buckinghamshire New University-nin idman və məşq elmləri üzrə baş müəllimi Mark Homer, "təhlükəli" piyiniz olub-olmadığını necə yoxlamaq lazım olduğunu açıqladı.
Mütəxəssisin fikrincə, bir ölçü lentini çıxarıb, beli ölçmək lazımdır. Aşağıdakı göstəricilər təhlükə yaradır: kişilər üçün 94 santimetrdən çox, qadınlar üçün isə 80 santimetr. Bu cür dəyərlər metabolik pozğunluqların yüksək riskini göstərir.
Qarın piyi və ya visseral yağ qarın boşluğundakı həyati orqanları əhatə edir. Onun həddindən artıq olması sağlamlıq üçün təhlükəlidir və xərçəng, ürək-damar xəstəlikləri, demans və hormonal pozğunluqlar da daxil olmaqla bir sıra ciddi xəstəliklərin inkişafına səbəb ola bilər.
Tərcümə: Könül Oruc
