Ev tozunun əsas tərkib hissəsi gözlə görünməyən mikroskopik, ölcüsü 0.1-0.5 mm olan akarlar yəni böcəklərdir.
E-saglam.az-ın məlumatına görə, allerqoloq Dr. Gülnar Quliyeva deyir ki, 1 qram ev tozunda təxmini 19.000 ədəd akar vardır:
"Bu akarlar dərimizdən tökülən ölü hüceyrələr, tük ilə bəslənirlər. Bu akarların həm özləri, həm ifrazat məhsulları allergik insanlar tərəfindən tənəffüs yolu ilə alındıqda ciddi şikayətlərin ortaya çıxmasına səbəb olur.
Nə qədər təmizlik olursa olsun, akarların ən çox artıb çoxaldıqları yer yataq-yorğan, xalı-xalça, yumşaq-parça örtüklü mebellərdir".
Allerqoloq deyir ki, ev tozu allergiyasının təyini üçün dəri testindən istifadə edirik: "Müalicədə əsas məqam dərman müalicəsi ilə yanaşı ev tozundan qorunma tədbirlərinə əməl etməkdən ibarətdir".
Könül Oruc
