Bu gün bir çox insan sağlam qidalanmaya diqqət etsə də, içkilərin orqanizmə təsirini gözdən qaçırır.
E-saglam.az xəbər verir ki, halbuki immunitet sisteminin böyük hissəsi bağırsaqlarda yerləşir və qəbul etdiyimiz mayelər də bədənimizin virus və bakteriyalara qarşı müqavimətinə təsir göstərir.
1. Alkoqollu içkilər – Spirt orqanlara mənfi təsir göstərir. Bədən alkoqolu parçalamağa fokuslandığı üçün zərərli bakteriyalarla mübarizə zəifləyir. Bu da immun sistemini zəiflədir və tez-tez xəstələnməyə səbəb ola bilər.
2. Enerji içkiləri – Bu içkilər ürək ritmini poza, əhval-ruhiyyəni dəyişə və hətta aqressiyaya səbəb ola bilər.
3. Meyvə şirələri – Təbii meyvələrlə eyni təsirə malik olmayan bu şirələr lifsiz olduğu üçün bağırsaq sağlamlığına fayda vermir. Onlar əsasən şəkər və süni əlavələrlə doludur. Yalnız təzə sıxılmış meyvə şirələri orqanizm üçün faydalıdır.
Əgər tez-tez özünüzü halsız və xəstə hiss edirsinizsə, gündəlik içki seçiminizə diqqət yetirməkdə fayda var.
Tərcümə: Könül Oruc
