Prof. Dr. Osman Müftüoğlu çörək və şəkərin sağlamlığa təsirlərini izah edərək hər ikisinin də zərərli olduğunu vurğulayıb.
E-saglam.az xəbər verir ki, o, bu qidaların qan şəkərini artırma potensialı ilə bağlı maraqlı açıqlamalar verib və onların istehlakını minimuma endirməyi tövsiyə edib.
Çörək və şəkərin glisemik indeksi
Osman Müftüoğlunun sözlərinə görə, ağ çörək və şəkər tozu qan şəkərini oxşar sürətlə artırır. Glisemik indeks baxımından hər ikisi bədənə bənzər təsir göstərir. Bu səbəbdən hər iki məhsulun çox istehlakı sağlamlıq üçün zərərli ola bilər.
Hər ikisini azaldın
"Hansı daha zərərlidir?" sualını cavablandırmaq əvəzinə Müftüoğlu hər iki qidanın istehlakını azaltmağın vacibliyini qeyd edib. Sağlam qidalanma vərdişləri yaratmaq və nizamlı idman etmək bu qidaların mənfi təsirlərini azaltmaqda mühüm rol oynayır.
Nizamlı hərəkətin əhəmiyyəti
Sadə, lakin təsirli bir vərdiş olaraq gündəlik gəzmək qan şəkərini tənzimləməyə və metabolizmanı sağlam saxlamağa kömək edir. Müftüoğlu sağlam həyat üçün idmanın önəmini bir daha vurğulayıb.
Könül Oruc
